Тибқи иттилои Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон аз 15-ум то 17-уми майи соли ҷорӣ дар водиҳои вилояти Хатлон, ноҳияҳои тобеъи ҷумҳурӣ ва вилояти Суғд дамои ҳаво аз 34+39º то 37+42º гарм мешавад.

Таъкид мегардад, ки чунин гармӣ барои моҳи май ғайримуқаррарӣ аст.

Ҳамчунин, манбаъ мегӯяд, ки рӯзҳои 17–19-уми май дар баъзе шаҳру ноҳияҳои кишвар, аз ҷумла ноҳияҳои тобеи ҷумҳурӣ, шаҳри Душанбе, вилояти Хатлон бо сабаби воридшавии тӯфони гарду ғубор аз манотиқи ҷанубу ғарб ва шимолу ғарб сатҳи олудагии ҳаво баланд мешавад.

Дар ҳамин ҳол, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон тавсия медиҳад, ки сокинон сайругашти рӯзонаро камтар кунанд, бахусус аз соати 11:00 то 16:00 бе зарурат аз хона ё коргоҳ берун намебароянд.

Dialog.tj