Роҳбари Кореяи Шимолӣ Ким Чен Ин дар як изҳороти бесобиқа гуфт, ки бо иштироки неруҳои низомии кишвараш дар ҷанги Украина барои ҳимояти Русия мувофиқ аст. Ӯ афзуд, ки кишвараш дар сурати идомаи фишорҳои Аврупо бар зидди Русия аз фиристодани қувваҳои низомӣ тардид надорад.

Президенти Русия Владимир Путин рӯзи 8-уми май аз нақши неруҳои низомии Кореяи Шимолӣ барои бозпасгирии Курск аз дасти неруҳои украинӣ қадрдонӣ карда, гуфт: “Дӯстони кореягии мо аз рӯи ҳисси адолат шона ба шонаи артиши Русия аз он дифоъ карданд. Ин қаҳрамонон сазовори ҷалоли ҷовидонаанд”.

Ким Чен Ин низ дар як изҳорот тасдиқ кард, ки неруҳои Кореяи Шимолӣ дар амалиёти Курск ширкат доранд ва онро “вазифаи таърихӣ бар зидди империяи аврупоӣ” номид. Ӯ гуфт: “Агар Иёлоти Муттаҳидаи Амрико ҳаракатҳои низомии худ бар зидди Русияро идома диҳад, мо дар додани иҷозати посухи ҷавобии низомӣ ҳеч тардиде надорем”.

Қаблан расонаҳо хабар дода буданд, ки Кореяи Шимолӣ барои пуштибонӣ аз Русия ба ҷанги Украина неруҳои низомӣ фиристодааст. Дар ибтидо мақомоти расмии кишварҳо ҳузури низомиёни Кореяи Шимолиро рад мекарданд, вале баъдан собит шуд, ки онҳо дар ҷанги Русия ҳузури фаъол доранд. Гузоришҳо собит месозад, ки Кореяи Шимолӣ дар паҳлуи ирсоли неруи низомӣ, таҷҳизоти низомӣ низ ба Русия ирсол кардааст. Неруҳои Кореяи Шимолӣ аз бозпасгирии минтақаи тасарруфшудаи Курски Федератсияи Русия нақши фаъол доштаанд.

Dialog.tj