Тибқи иттилои шуъбаи иттилоотии дастгоҳи раиси шаҳри Душанбе барои иштирокчиёну маъюбони Ҷанги Бузурги Ватанӣ 304 ҳазору 400 сомонӣ ҷудо гардидаст.

Гуфта мешавад, ки дар асоси Қарори раиси шаҳри Душанбе Рустами Эмомалӣ ба ҳар иштирокчӣ 25 000 сомонӣ, ба шахсони бо ордену медалҳои ҳарбӣ дар ақибгоҳ дар солҳои Ҷанги дуюми ҷаҳонӣ хизматкарда ва шахсоне, ки зиёда аз шаш моҳ дар ақибгоҳ дар ин солҳо кор кардаанд, маъюбони амалиёти ҷангӣ дар қаламрави давлатҳои дигар (Афғонистон) ва маъюбони садамаи Неругоҳи барқӣ-атомии Чернобил ба андозаи 800 сомонӣ ҷудо гардидааст.

Зимнан, масъулин вазифадор шудаанд, ки маблағҳои ҷудогардидаро ба иштирокчиён ва маъюбони Ҷанги дуюми ҷаҳонӣ, ки дар шаҳри Душанбе истиқомат мекунанд, бо аёдати шахсӣ дар манзили истиқоматиашон ва на дертар аз 7-май супоранд.

Dialog.tj