Бар асоси иттилои Агентии омори назди Ҳукумати Ҷумҳурии Тоҷикистон дар кишвар дар семоҳаи аввали имсол ҳаҷми истеҳсоли маҳсулоти саноатӣ афзоиш ёфтааст.

“Дар моҳҳои январ-марти соли 2025, бо назардошти саҳми соҳибкории хусусӣ маҳсулоти саноатӣ ба маблағи 13 846,6 миллион сомонӣ истеҳсол шудааст, ки нисбат ба ҳамин давраи соли 2024 дар муқоиса 23,4 фоиз зиёдтар аст” – зикр шудааст дар омори Агентии омори Тоҷикистон.

Бар асоси маълумоти оморӣ, омили асосии афзоиши истеҳсоли саноатӣ афзоиши ҳаҷми истеҳсолот дар соҳаи саноати истихроҷ 1,8 маротиба, саноати коркард  2,1 фоиз, таъминоти барқ, интиқоли газ, буғ ва ҳавои кондинсионеришуда 10 фоиз ва соҳаи обтаъминкунӣ, поксозӣ ва коркарди партовҳо ва истеҳсоли ашёи дуюм 28,3 фоиз арзёбӣ мешавад.

Dialog.tj