Муовини корҳои ҳунарии Вазири фарҳанги Ҷумҳурии Исломии Эрон бо мақсади иштирок дар ҷашнвораи театрҳои Тоҷикистон ва мулоқот бо мақомоти олии Вазорати фарҳанги Тоҷикистон вориди шаҳри Душанбе шуд.

Расонаҳо хабар доданд, ки Нодира Ризоӣ бо мақсади ширкат дар Ҷашнвораи байналмилалии театрҳои касбии Ҷумҳурии Тоҷикистон ва дидору мулоқот бо мақомоти олии соҳаи фарҳанг ва ҳунари Тоҷикистон ба Душанба омад.

Меҳрдод Ҷавонмард, коршиноси дипломатии Сафорати Ҷумҳурии Исломии Эрон дар Тоҷикистон, Манучеҳр Шарифзода, муовини Вазири фарҳанги Тоҷикистон ва Ваҳид Фахрии Мӯсавӣ, роҳбари иҷроии ҳайати эронӣ афроде буданд, ки ба дидору истиқболи муовини корҳои ҳунарии Вазири фарҳанг ва иршоди исломӣ дар майдони ҳавоии шаҳри Душанбе омадаанд.

Намоишномаи театрии “Одоби шикори рӯбоҳ”, ки ба қалами Иброҳим Одилниё навишта шуда ва онро Муҳаммад Шокирӣ аз шаҳри Буҷнурди устони Хуросони Шимолӣ коргардонӣ кардааст, дар Ҷашнвораи байналмилалии театрҳои касбии Тоҷикистон ширкат хоҳад кард.

Ҷашнвораи байналмилалии касбии Ҷумҳурии Тоҷикистон аз 2-ум то 7-уми май дар шаҳри Душанбе баргузор мегардад ва бо даъвати масъулони ҷашнвора намоишномаи “Одоби шикори рӯбоҳ” дар театрҳои Тоҷикистон намоиш дода мешавад.

Dialog.tj