Раёсати корҳои дохилии вилояти Кӯшониён сокини деҳаи Меҳнатобод Зикриё Усмонович Аминовро барои фаъолияти ғайриқонуниаш, ки ба паҳн кардани амалҳои сохтакорӣ рабт дошт, боздошт намуданд.

Тафтишот нишон медиҳад, ки Аминов дар манзилаш шаҳрвандонро ҳамчун муштариён қабул карда, хидматҳои сохтакорӣ бо номи “пӯшидакунӣ”, “оби дамкунӣ”, “кушодани бахт” ва “табобати бемориҳо” –ро пешниҳод мекард. Аз ҷумла, Абдуллоева Н. А, Одинавева Ш. А, Бекова Б. ва Раҳмонова Н. Х., ки барои кумак муроҷиат карда буданд, дар ивази хидматҳои “магикӣ”-и ӯ маблағҳои пулӣ пардохт карданд.

Дар доираи рейдҳои гузаронидашуда полис на фақат Аминов, балки муштариёни ӯро низ боздошт кард.

Бар асоси моддаи 482-и кодекси ҳуқуқвайронкунии маъмурии Тоҷикистон бар зидди Зикриё Аминов парванда оғоз шуда, маводҳо ба суд барои таҳқиқи минбаъда фиристода шудаанд. Вазорати корҳои дохилии Тоҷикистон ба шаҳрвандон ҳушдор дод, ки эҳтиёткор бошанд ва ба афроди нашркунандаи боварҳои бемаънӣ ва кумакҳои сохтакорӣ эътимод накунанд.

Dialog.tj