Дар вилояти Хатлон аз оғози мавсими имсол 6 338 447 гулҳои гуногуннавъ шинонида шудааст, ки 70 фоизи нақшаи умумии 9 182 435 гулро ташкил медиҳад. Дар ин хусус сардори Раёсати ҳифзи муҳити зисти вилоят Собирзода Қурбоналӣ хабар дод.

Тибқи иттилои раёсати мазкур дар мавсими ҷорӣ дар гузаштҳои шаҳрӣ ва деҳоти вилоят 778 695 лола, 1084 010 садбарг ва 4551 342 гули мавсимӣ нишонида шудаанд.

Ин корҳо бо дастгирии мақомоти иҷроияи ҳокимияти давлатӣ ва худидоракунии маҳаллӣ, ҳамчунин, бо истифода аз имконияти ҳукуматҳои маҳаллӣ ва шуъбаҳои кишоварзӣ амалӣ гардидаанд.

“Шинонидани гулҳо на фақат зебо кардани маҳалҳо, балки як унсури муҳимми муҳити шаҳрӣ аст, ки ба сабзгардонӣ ва беҳтар намудани экологӣ мусоидат мекунад”- таъкид кард Собирзода Қурбоналӣ.

Дар ҳукумати вилоят ҳамчунин, хабар доданд, ки чанде қабл дар Хатлон озмуни “Сайри гули Лола – 2025 “ баргузор гардид. Шаҳри Бохтар миёни шаҳрҳо ғолиб эълон шуд ва ноҳияи Данғара дар миёни ноҳияҳои вилоят пешсаф дониста шуд. Дар ин чорабинӣ намояндагон аз ҳамаи гӯшаву канори вилоят иштирок намуданд ва таваҷҷуҳи васеи сокинон ва меҳмонони вилоятро ҷалб карданд.

Интизор меравад, ки дар ҳафтаҳои наздик корҳои боқимондаи шинонидани гулҳо ба анҷом расанд ва вилояти Хатлон дар оғози мавсими тобистон бо намои пурраи гулҳо зебо шавад.

Dialog.tj