Полиси шаҳри Душанбе як зани 65-соларо ба иттиҳоми ҷодугарӣ ва фолбинӣ боздошт намуда, ҷарима кардааст.

Тибқи иттилоъ, муовини минтақавии Шуъбаи корҳои дохилӣ дар ноҳияи Синои шаҳри Душанбе як зани 65-солаи пойтахт – Шокирова Зикамоҳро боздошт кард, ки аз роҳи кортҳо фолбинӣ намуда, фоидаи молиявӣ ба даст меовард. Дар ин хусус Вазорати корҳои дохилии Тоҷикистон хабар додааст.

Нисбати боздоштшуда бар асоси моддаи 482-и кодекси ҳуқуқвайронкунии маъмурии Ҷумҳурии Тоҷикистон протоколи маъмурӣ тартиб дода шуда, парванда ба суд ирсол карда шуд.

Нисбати гумонбар ҷаримаи маъмурӣ ба андоззаи 80 нишондиҳанда барои ҳисобҳо таъмин карда шуд, ки маблағи он шаш ҳазор сомониро ташкил медиҳад.

Ҳодисаи боздошти фолбинзани 65-сола бори дигар таваҷҷуҳи ҷомеаро ба масъалаи мубориза бо фаъолияти ғайриқонунии фолбинӣ ва ҷодугарӣ ҷалб кард, зеро он метавонад боиси оқибатҳои манфии иҷтимоӣ гардад.

Dialog.tj