21-уми апрел дар Театри опера ва балети ба номи Садриддин Айнӣ маросими ҷамъбасти Фестивал-озмуни театрҳои касбӣ - "Парасту" доир гашт.

Шоҳҷоизаи озмуни мазкурро Театри академӣ-драммавии ба номи Абулқосим Лоҳутӣ барои намоиши "Достони Сиёвуш” ба даст овард.

Ҳамин тариқ, Театри мусиқӣ - мазҳакавии ба номи М. Назарови шаҳри Хоруғ барои намоиши "Ял" сазовори ҷойи якум, Театри ҷумҳуриявии мусиқӣ - драмавии ноҳияи Данғара барои намоиши "Ривояти суғдӣ" сазовори ҷойи дуюм ва Театри мусиқӣ-драммавии ба номи Т. Фозилови шаҳри Конибодом барои намоиши "Бозгашт" сазовори ҷойи сеюм гардиданд.

Ҳамчунин, Тоҳир Меликов аз Театри ӯзбекии драмавӣ - мусиқии ба номи Бурҳонови ноҳияи Спитамен - ҷоизаи беҳтарин нақши эпизодӣ, Фарангис Саидзода барои нақши Томирис дар намоиши "Куруши Кабир"-и Театри опера ва балет - ҷоизаи беҳтарин нақши балет, Рухшона Улфатова барои нақши Татяна дар намоиши "Сергей Есенин"-и Театри Аҳорун - ҷоизаи беҳтарин нақши занона, Хуршед Мустафоев барои намоиши “Пир во время чумы” аз Театри давлатии драмавии русии ба номи В. Маяковский - ҷоизаи беҳтарин нақши мардона сазовор дониста шуданд.

Ёдовар мешавем, ки аз 14-ум то 21-уми апрел Фестивал-озмуни театрҳои касбӣ - "Парасту" бо иштироки 18 театри касбӣ баргузор гашт.

Dialog.tj