20-уми апрел дар доираи Лигаи олии Русия бошгоҳи “Ростов”, ки дарвозабони тоҷик Рустам Ятимов дар ҳайаташ аст, бо дастаи “Факел” рақобат намуд ва бозӣ бо ҳисоби 2:0 ба фоидаи “Ростов” ба анҷом расид.

Дар ин дидор, Рустам Ятимов ҷароҳати вазнин бардошта, дар дақиқаи 62-юм бо ёрии табибон аз майдон берун карда шуд.

Пас аз чанде мураббии дарвозабонҳои дастаи «Ростов» Виталий Кафанов дар бораи вазъи саломатии дарвозабон Рустам Ятимов чунин гуфт: “Айни замон дар бораи ҳолати Рустам Ятимов чизе дақиқ гуфтан душвор аст. Ӯ дар вақти бозӣ аз ҳуш рафт ва осеб дидани сараш воқеан ҷиддист. Аммо маълумоти дақиқтар дертар ба дастамон мерасад. Ҳоло Рустам ҳама чизро ба хотир намеорад”.

Дар ин росто, хабарнигори “РБ Спорт” Никина Спичак иттилоъ додааст, ки вазъи саломатии Рустам Ятимов хуб аст: “Чӣ хел худамро ҳис мекунам? Аҳволи ман хуб аст”, - овардааст аз забони дарвозабон.

Dialog.tj