Кумаки сокинони вилояти Суғд ба мардуми аз офати табиӣ зарардидаи ноҳияҳои Рашт ва Тоҷикобод дар ҳаҷми 210 тонна бо 22 мошини калони боркаш ба минтақаҳои осебдида фиристода шуд.

Маркази матбуоти Мақомоти иҷроияи ҳокимияти давлатии вилояти Суғд хабар медиҳад, ки кумаки инсондӯстона ба минтақаҳои осебдида аз маводи гуногуни хӯрока, сару либос, лавозимоти зарурии рӯзгор ва маҳсулоти сохтмонӣ иборат аст.

Манбаъ меафзояд, мақсад аз ин иқдом, ки бо дастгирии бевоситаи Мақомоти иҷроияи ҳокимияти давлатии вилояти Суғд амалӣ гардид, дастгирии моддӣ ва маънавии сокинони зарардида мебошад.

Ёдовар мешавем, ки дар ноҳияҳои Рашт ва Тоҷикобод дар маҷмуъ 65 хонаи истиқоматӣ пурра ва 193 хона қисман вайрон шуда, ба 150 хонаи дигар осеби сабук ва ба 193 иншооти ёрирасон зарар расидааст. Аз ҷумла, 1 беморхонаи минтақавӣ, 2 бунгоҳи тиббӣ, 8 иншооти муассисаи таҳсилоти миёнаи умумӣ ва дигар иншоот зарар дидаанд.

Dialog.tj