13-уми апрел дар шаҳри Майамии Амрико мусобиқаи UFC 314 бо иштироки рамзкорони шинохтаи муҳорибаҳои омехта доир гашт.

Дар набарди асосии мусобиқаи UFC 314 Александр Волконовкий ва Диего Лопес барои ба даст овардани камарбанди қаҳрамонӣ дар вазни нимсабук вориди майдон гардиданд.

Рақобати мазкур панҷ раунд давом ёфта, бо қарори якдилонаи доварон Александр Волконовкий ғолиб дониста шуд ва бори дигар қаҳрамони UFC дар вазни мазкур шуд.

Аммо дар асл, бисёриҳо ба боваре буданд, ки Александр Волконовкий аз Диего Лопес шикаст мехӯрад, зеро ӯ 36-сола аст ва ин синну сол барои дар сатҳи чемпионӣ ҷангидан созгор нест.

Ҳамчунин, дуюм муҳорибаи асосии ин мусобиқа миёни Майкл Чендлер ва Пэдди Пимблетт доир гашт, ки Пэдди дар даври сеюм Чендлерро бо усули бӯғӣ кардан мағлуб кард.

Пас аз мусобиқа маълум гардид, ки чор размкори муҳорибаҳои асосӣ чӣ қадар маблағ ба даст овардаанд.

Ҳамин тавр, Пэдди Пимблетт 1 миллиону 170 ҳазор доллар, Майкл Чендлер 1 миллиону 270 ҳазор доллар, Александр Волконовкий 2 миллиону 620 ҳазор доллар ва Диего Лопес 1 миллиону 430 ҳазор доллар ба даст овардаанд.

Dialog.tj