Шартномаи ҳамкорӣ миёни Коллеҷи информатика ва техникаи компютерии шаҳри Душанбе ва Коллеҷи техникӣ-инноватсионии шаҳри Алмаато ба имзо расид. Дар ин хусус, расонаҳои Тоҷикистон хабар додаанд.

Имзои шартномаи зикршуда заминаи муҳимми ҳамкориҳо миёни донишҷӯён ва устодони ду кишварро фароҳам мекунад. Дар шартнома роҳҳои ҳамкорӣ дар заминаи такмили ихтисос, мубодилаи таҷриба, таъсиси факултетҳои муштарак, ҳамкории илмӣ- таҳқиқотӣ ва татбиқи лоиҳаҳои муштарак зикр шудааст.

Ҳамчунин, шартномаи мазкур ба таҳкими ҳамкории судманди академӣ ва рушди соҳаи миёнаи касбӣ дар байни Тоҷикистон ва Қазоқистон мусоидат хоҳад кард.

Ёдовар бояд шуд, ки робитаҳои Тоҷикистон ва Қазоқистон дар соҳаи маориф таърихи тӯлонӣ дорад. Донишҷӯёни ду кишвар дар донишгоҳҳои ҳамдигар таҳсил мекунанд. Бар асоси омор шумори зиёди донишҷӯёни тоҷик дар донишгоҳҳои Қазоқистон таҳсил мекунанд.

Dialog.tj