Прокуратураи Брюссел ба идораи Маркази менеҷмент ва мусодираи амвол дастур дод, ки 108 миллион доллари мусодирашудаи Гулнора Каримова ба давлати Ӯзбекистон интиқол дода шавад. Бар асоси ин қарор, 108 миллион доллари дигари Гулнора Каримова аввал ба хазинаи Белгия гузаронида мешавад.

“Ин маблағҳо расман ба манфиати давлати Белгия мусодира шудаанд” – таъкид мешавад дар изҳороти Прокуратураи федералии Белгия.

Мақомоти Ӯзбекистон бо далели фасод, гирифтани комиссияҳои ғайриқонунӣ дар вақти бастани шартномаҳои телекоммуникатсионӣ ва қонунигардонии маблағҳои ғайриқонуниро ошкор кардааст. Мақомоти судии Ӯзбекистон бар асоси конвенсияи Созмони Милали Муттаҳид бар зидди фасод аз Прокуратураи Брюссел кумаки ҳуқуқии ҷаҳонӣ дархост кардаанд. Бо дархости мақомоти ӯзбек дар Белгия 200 миллион доллари Гулнора Каримова мусодира гардид. Ин маблағҳо аз сӯйи суди Брюссел бо фоизҳои муайяншуда мусодира карда шуд.

“Суд қарор кард, ки дороиҳои мусодирашударо миёни ду давлат тақсим кунад: бо истифода аз механизми тақсими маблағҳо миёни кишварҳо. Бар асоси қарор 108 миллион доллар ба Ӯзбекистон интиқол дода мешавад” – зикр шудааст дар изҳороти Прокуратураи федералии Белгия.

Dialog.tj