Тибқи иттилои Федератсияи байналмилалии ҷудо аз 21-ум то 23-юми март дар шаҳри Тифлиси Гурҷистон мусобиқаи сайри ҷаҳонии ҷудо «Tbilisi Grand Slam 2025» доир мегардад.

Гуфта мешавад, ки дар мусобиқаи «Tbilisi Grand Slam 2025» аз Ҷумҳурии Тоҷикистон ҳашт варзишгар иштирок мекунанд. Дар умум, то ҳол 403 варзишгар (228 мард ва 175 зан) аз 53  давлат барои иштирок номнавис шудаанд.

Бо ҳамин тартиб, Тоҷикистонро дар «Tbilisi Grand Slam 2025» Ёсин Бобокалонов (-66 кг), Магомед Фармонбеков (-66 кг), Муҳаммадшариф Наҷмуддинов (-73 кг), Масъуди Аҳмадзод (-73 кг), Илҳомиддин Ҷабборов (-81 кг), Бахтиёр Бозоров (-81 кг), Шодмон Ризоев (-90 кг) ва Муҳсин Малаев (-100 кг) намояндагӣ мекунанд.

Бояд гуфт, ки маблағи умумии ҷоизаҳои молии мусобиқа 154 ҳазор евроро ташкил медиҳад. Ғолибон дар ҳар вазн (7 вазн  байни мардон ва 7 вазн  байни  занон) бо 5000 евро, барандагони медали нуқра бо 3000 евро ва соҳибони медали биринҷӣ бо 1500 евро мукофотонида хоҳанд шуд. Инчунин, варзишгарон дар ин мусобиқаи байналмилалӣ ба ҷуз аз медал соҳиби имтиёзҳо дар феҳристи ҷаҳонӣ мешаванд.

Dialog.tj