Раёсати Вазорати корҳои дохилӣ дар шаҳри Душанбе аз боздошти панҷ нафар гӯштфурӯш хабар дод, ки худсарона нархи гӯштро баланд кардаанд.

Ба иттилои манбаъ, шаҳрвандон Ҷалилов Абдуғаффор, Келдияров Бобоҷон, Исмоилов Исомиддин, Каримов Аҳад ва Раҳимзода Азиз, ки дар маркази савдои «Баҳор», «Садбарг» ва хиёбони Рӯдакӣ дӯкони гӯшт доранд, худсарона нархро қиммат кардаанд. Нархномаи гӯшт, ки дар дӯкони онҳо 75 сомонӣ навишта шудааст, ба шаҳрвандон як килограмми онро аз 95 то 100 сомонӣ ба фурӯш гузоштаанд.

Гуфта мешавад, ки вобаста ба ҳолати мазкур, нисбати номбурдагон бо моддаи 555 КҲМ Ҷумҳурии Тоҷикистон, барои беасос баланд бардоштани нарх протоколи маъмурӣ тартиб дода шудааст.

Ёдовар мешавем, ки чанде пеш РВКД дар шаҳри Душанбе хабар дода буд, ки бо мақсади пешгирии худсарона боло бурдани нархи маҳсулоти хӯрокворӣ аз ҷониби кормандони милитсияи пойтахт рейду амалиётҳои санҷишӣ гузаронида мешавад.

Dialog.tj