Раёсати ВКД дар шаҳри Душанбе аз ҷамъбастии озмуни «Беҳтарин ролики тарбиявӣ» ва маросими ҷоизасупорӣ ба ғолибон хабар дод.

Чанде пеш Раёсати ВКД дар шаҳри Душанбе озмуни «Беҳтарин ролики тарбиявӣ» эълон карда буд, ки блогерон ва фаъолони шабакаҳои иҷтимоӣ дар доири он наворҳои тарбиявӣ таҳия намуда буданд.

Манбаъ иттилоъ медиҳад, ҳайати комиссияи озмун аз байни 65 навори тарбияве, ки дар се номинатсия пешниҳод шуда буданд, ғолибон муайян шуданд.

Ҳамин тавр, дар номинатсияи «Болобурди эҳсоси ватандӯстӣ ва муҳаббат ба сарзамин» Мирзошарифов Насимҷон ҷойи якум, Одинаев Фатҳиддин ҷойи дуюм ва Ҳисайнов Муҳаммад сазовори ҷойи сеюм гардиданд.

Дар номинатсияи «Тарбияи дурусти насли наврас» бошад, ҷойи якум Шарипов Дилшод, ҷойи дуюм Каримов Маҳмадалӣ ва Шуҳратзода Омина ва ҷойи сеюм Шукуров Саид дониста шуданд.

Ғолибони номинатсияи «Фарҳанги тозагӣ ва ҳифзи муҳити зист» Сафаров Диловар, Ёрхонов Муҳиддин, Самадова Нигина ва Самадов Искандар мебошанд.

Гуфта мешавад, ки ғолибони озмун бо диплому маблағҳои пулӣ, аз ҷумла ҷойҳои якум 18 ҳазор сомонӣ, мақоми дуюм 12 ҳазор сомонӣ ва ҷойҳои сеюм 10 ҳазор сомонӣ қадрдонӣ карда шуданд.

Dialog.tj