Мақомоти Иёлоти Муттаҳидаи Амрико дар доираи мубориза бар муҳоҷирони ғайриқонунӣ  ҳафт шаҳрванди Ӯзбекистонро мехостанд ба Коста–Рика депорт кунанд. Дар натиҷаи музокироти намояндагони ҳукумати Ӯзбекистон бо мақомоти амрикоӣ 7 шаҳрванди ин кишвар ба воситаи хатсайри Ню-Йорк - Тошканд ба кишвар баргаштанд.

Қабл аз ин, Коста – Рика розӣ шуда буд, ки 200 муҳоҷири ихроҷшуда аз Иёлоти Муттаҳидаи Амрикоро қабул кунад. Бар асоси иттилоъ, муҳоҷироне, ки бояд ба Коста-Рика ихроҷ мешуданд, шаҳрвандони кишварҳои Ӯзбекистон, Қазоқистон, Қирғизистон, Покистон ва Ҳинд мебошанд.

“Бар асоси созишҳои мо, ҷониби Амрико дар хусуси ҳар як мавриди хироҷкунии шаҳрвандони Ҷумҳурии Ӯзбекистон ба таври фаврӣ хабар медиҳад. Тибқи меъёри амалкунанда миёни ду кишвар шаҳрвандони мо аз ИМА ба ватан ба воситаи хатсайри Ню-Йорк – Тошанд бармегарданд” – таъкид кардааст Вазорати корҳои хориҷии Ӯзбакистон.

Вазорати корҳои хориҷии Ӯзбекистон гуфт, ки мақомот ба қазияи депорти шаҳрвандони ин кишвар аз Иёлоти Муттаҳидаи Амрико ба дигар кишвар таваҷҷуҳ менамояд.

Dialog.tj