Зулайхо Маҳмадшоева, сарояндаи маъруфи тоҷик дар шашмоҳи охир бори дуюм ба хонаи Худо рафт ва ба гуфтааш дар ин сафар модараш сабаб шудааст.

“Ман шаш моҳ пеш ба хонаи Худо омада будам. Хостам модарамро ин ҷо равон кунам, аммо гуфтанд, ки аз ҳавопаймо метарсанд ва агар худам равам, мераванд. Ҳамин тавр, бо модарам, холаҳоям ва бародарам бори дуюм ба ин макони муқаддас омадем”, - навиштааст дар саҳифаи Инстаграмаш Зулайхо Маҳмадшоева.

Дар идомаи матлабаш сароянда ба ҳаводоронаш барои таваҷҷуҳи зиёд ташаккур гуфта, ҳамчунин, гуфтааст, ки дар ҳаҷ барои ҳамаи онҳо дуои хайр кардааст.

Дар аксҳое, ки сароянда аз хонаи Худо нашр кардааст, дар 19 соати аввал зиёда аз 17 ҳазор шарҳ навиштаанд, ки ҳамагӣ суханҳои хуб гуфтаанд.

Ёдовар мешавем, ки Зулайхо Маҳмадшоева моҳи сентябри соли гузашта бори аввал ба зиёрати хонаи Худо рафта буд ва аз он вақт то инҷониб дар саҳна кам баромад мекунад. Инчунин, дар муддати зиёда аз шаш моҳ танҳо ду суруд нашр кардааст, балки бештар ба тиҷораташ машғул мешавад.

Dialog.tj