22-юми феврал дар Варзишгоҳи марказии Душанбе дар доираи бозии ниҳоии Ҷоми Федератсияи футболи Тоҷикистон-2025 рақобат байни бошгоҳҳои “Истиқлол” ва КМВА (Клуби марказии варзишии артиш) баргузор гашт, ки дастаи «Истиқлол» ғолиб шуд.

Бошгоҳи «Истиқлол» бо ҳисоби 2:0 дастаи КМВА-ро шикаст дод ва бори ҳафтум ҷоми мазкурро соҳиб гардид. Гуфта мешавад, ки ҳардуи голи дидорро дар нимаи аввал нимҳимоятгари бошгоҳи “Истиқлол” Денис Беганович ба дарвозаи КМВА ворид кард.

Бозиндагарони “Истиқлол”, ки ғолиби Ҷоми ФФТ гардиданд, бо медалҳои тилло ва ҷоизаи пулӣ ба маблағи 50 ҳазор сомонӣ қадрдонӣ шуданд. Ҳамчунин, футболбозони дастаи КМВА бо медалҳои нуқта ва ҷоизаи пулӣ ба маблағи 30 ҳазор сомонӣ сарфароз гардиданд.

Бояд гуфт, ки пеш аз бозии ниҳоӣ дастаҳои “Панҷшер”-и Ҷалолиддини Балхӣ ва “Сомон”-и Данғара барои ҷойи сеюм мубориза бурданд. Дар ин дидор дастаи “Панҷшер” бо ҳисоби 3:0 ғолиб омад.

Ёдовар мешавем, ки бошгоҳи “Истиқлол”солҳои 2014, 2015, 2017, 2018, 2019 ва 2021 ғолиби Ҷоми Федератсияи футболи Тоҷикистон гадида буд.

Dialog.tj