Вазири корҳои хориҷии Федератсияи Русия Сергей Лавров таъкид кард, ки сахттар намудани низоми сафар ва ҷорӣ кардани раводид барои муҳоҷирон мухолифи манфиатҳои дарозмуддати Русия мебошад.

“Мо ба ин назарем, ҳар гуна сахт кардани муносибати мо бар муҳоҷирони меҳнатӣ аз Қафқоз ва кишварҳои Шӯравии пешин, ба манфиатҳои дарзмуддати мо мусоидат нахоҳанд кард. Албатта, назорати тартибот муҳим аст. Ҳолатҳои зиёди қонуншиканӣ сабт шудаанд, вале мо бар он ҳастем, бояд назоратро тақвият кунем, на ин ки эҷод намоем - махсусан бо ҷорӣ намудани низоми раводид”- гуфт Сергей Лавров.

Вазири корҳои хориҷии Федератсияи Русия таъкид кард, ки чораҳои назоратӣ пурзӯр карда мешавад ва ин ба маънои маҳдуд сохтани муҳоҷирати меҳнатӣ нест.

Дар солҳои ахир мақомоти кишвари Русия чораҳои шадиди назорат ба фаъолияти муҳоҷирони меҳнатӣ дар ин кишварро ҷорӣ кардаанд. Тибқи иттилои расонаҳо, шумори ихроҷи муҳоҷирони меҳнатӣ аз Русия дар соли ахир афзоиш ёфтааст.

Федератсияи Русия бо қабули як қатар қонунҳои сахтгирона, ки ҳузури муҳоҷирони меҳнатиро танзим мекунад, назорат бар зидди муҳоҷиронро пурзӯр менамояд.

Dialog.tj