Дар рӯзҳои 18-19-уми феврал дар минтақаи километри 62-74-и шоҳроҳи Душанбе-Чаноқ фаромадани тарма вуҷуд дорад.

Дар ин бора Кумитаи ҳолатҳои фавқулода ва мудофиаи граждании Ҷумҳурии Тоҷикистон хабар дода, аз шаҳрвандон хостааст, ки зимни ҳаракат дар роҳ эҳтиёткор бошанд.

Бар асоси пешгӯии Агентии ҳавошиносии Тоҷикистон дар ҳафтаҳои оянда гармшавии ҳаво идома меёбад, ки ин боиси об шудани қабати барф дар минтақаҳои кӯҳии кишвар мегардад. Ин ҳолат фаромадани тармаро дар субҳ ва шаб зиёд мекунад.

Кумитаи ҳолатҳои фавқулода ва мудофиаи граждании Ҷумҳурии Тоҷикистон тавсия додааст, ки ронандагон зимни ҳаракат дар роҳ чораҳои бехатариро риоя намуда, мошинҳои худро бо захираи сӯзишворӣ ва чархҳои зимистона таъмин кунанд.

Гуфта мешавад, дар минтақаҳои кӯҳӣ мардум дар нишемангоҳи кӯҳҳо аз ҷамъоварии ҳезум ва иҷрои корҳои кишоварзӣ бояд худдорӣ кунанд. Ҳамчунин, дар рӯзҳои 18-19-уми феврал муваққатан ба чаронидани чорво дар минтақаҳои кӯҳӣ набароянд.

Ба ширкатҳои сайёҳӣ ва дӯстдорони сайёҳати кӯҳӣ машварат дода мешавад, ки дар ин рӯзҳо ба кӯҳҳо сафар накунанд.

Dialog.tj