Ҳунарпешаи шоистаи Тоҷикистон ва яке аз сарояндагони маҳбуби кишвар Нигина Амонқулова дар бораи муҳаббату самимияти ҳамватанон ва умуман ҳаводорони санъаташ гуфт.

Нигина Амонқулова дар яке аз маросимҳои ҷоизасупорӣ вобаста ба анҷоми соли гузашта пас иҷрои суруди “Марав” ба алоқамандони ҳунараш дар бобати ҳунарнамоияш дар қароргоҳи ЮНЕСКО, ки ба ифтихори таҷлили 817-умин солгарди бузургдошти Мавлоно Ҷалолиддини Балхӣ баргузор шуда буд, чунин паём дод: “Пас аз нашри навори баромадам, чунон саршори меҳру самимияти мардум шудам, ки ростӣ, тӯли 18 соле, ки дар рӯйи саҳна ҳастам, ин қадар раҳмату миннатдорӣ ва муҳаббатро нав дидам. Танҳо як гап мегӯям, ман бо садои мардуми азизи Тоҷикистон суруд мехонам”.

Ёдовар мешавем, ки Нигина Амонқулова дар қароргоҳи ЮНЕСКО шаҳри Парижи Фаронса зимни таҷлили 817-умин солгарди бузургдошти Мавлоно Ҷалолиддини Балхӣ бо ҳамовозии оркестри симфонӣ ва хори академӣ чанд тарона аз ашъори ин мутафаккири форсу тоҷикро сароида буд, ки аз ҷониби ҷомеаи ҷаҳонӣ бисёр хуб қабул гардид.

Dialog.tj