Карим ал-Ҳусайнӣ Оқохони чорум, 49-ум имоми шиаёни исмоилии ҷаҳон рӯзи якшанбе, 9-уми феврал дар шаҳри Асвони Ҷумҳурии Миср ба хок супорида шуд.

Дар маросими бахоксупории Карим Оқохони чорум, Раҳим Оқохони панҷум, аъзои хонавода ва шуморе аз роҳбарони ҷомеаи исмоилӣ ҳузур доштанд.

Тобути шоҳзода Карим Оқохони чорум дар гузаргоҳи ташрифотӣ дар минтақаи хусусӣ интиқол дода шуд. Дар ин минтақа вилои Нуралсалом ва мақбараи Оқохони сеюм воқеъ мебошад.

Мақомоти полиси Асвон дар Ҷумҳурии Миср заминаи баргузории маросими бахоксупориро фароҳам кардаанд.

Ҷасади Карим Оқохони чорум дар мақбараи воқеъ дар теппаи машҳур ба Нил ба хок супорида шуд.

Қобили зикр аст, ки дар асрҳои X ва XI Миср маркази хилофати Фотимиён буд, ки ба воситаи Исмолиён идора мешуд. Дар асрҳои зикршуда халифаҳои фотимӣ шаҳрҳои Қоҳира - пойтахти Мисрро таъсис доданд.

Асвон охирин оромгоҳи Волоҳазрат Султон Маҳмуд Шоҳ Оқохони сеюм ва ҳамсараш Мата Саломат мебошад. Онҳо, ҳар ду бо мардуми Асвон робитаҳои наздик доштанд.

Dialog.tj