Владимир Путин, президенти Федератсияи Русия шаби гузашта дар ҷараёни нишасте бо Александр Хинштейн, фармондори муваққати минтақаи Курск эълом кард, ки вазъият дар ин минтақа бисёр печида шуда ва мардум бо мушкилоти зиёде мувоҷеҳ ҳастанд. Вай гуфт: “Дақиқан ду моҳ аз дидори қаблии мо мегузарад ва ман ба шумо маъмурият дода будам, ки корҳоро дар минтақаи Курск созмондиҳӣ кунед. Вазъият дар он ҷо ҳамчунон бисёр печида аст”.

Путин ҳамчунин, ёдовар шуд, ки қаблан низ аз фармондор хоста буд, то ба иртибот бо мардум таваҷҷуҳи вижае дошта бошад ва аз нигарониҳои онҳо муталеъ шавад. Вай таъкид кард: “Мушкилот воқеан зиёд аст”.

Илова ба ин, дар ҷараёни ин дидор, президенти Русия гуфт, ки ба давлат дастур хоҳад дод, то ҳамроҳ бо мақомоти минтақаи Курск барномае барои бозсозии ноҳияҳои осебдидаи марз тадвин кунад. Путин ҳамчунин, маблағи 150 ҳазор рублие, ки ба сокинони ин минтақа барои ҷуброни хисорот пардохт шуда буд, нокофӣ донист ва ваъда дод, ки дар ин замина тасмимҳои дуруст гирифта мешавад.

Вай афзуд, ки давлати Русия дастур хоҳад дод, то дар рӯзҳои оянда ин масъала ва дигар масоили марбутро баррасӣ кунад.

Dialog.tj