Як шабакаи телевизионии украинӣ бо истинод ба мақоми огоҳ дар дафтари президенти ин кишвар шаби рӯзи чоршанбе гузориш дода, ки Кит Келлог, намояндаи вижаи президенти Амрико - Доналд Трамп дар умури ҳаллу фасли буҳрони Украина дар таърихи 20-уми феврал ба Киев сафар хоҳад кард.

Дар гузориши ин шабака чунин омадааст: “Сафари намояндаи вижаи президенти Амрико дар умури Украина ба Киев барои 20-уми феврал барномарезӣ шудааст. Ин таърих аз сӯйи мақомоти амрикоӣ пешниҳод гардидааст.”

Пеш аз ин, Келлог дар охирҳои январ эълон карда буд, ки Доналд Трамп қасд дорад абзорҳои лозим барои музокирот миёни Маскав ва Киевро фароҳам кунад. Ба гуфтаи вай, Иёлоти Муттаҳида дар ҳоли баррасии шеваҳои фишор на танҳо ба Русия, балки ба Украина аст. Келлог ҳамчунин, таъкид карда буд, ки ин иқдомҳо ба президенти Амрико имкон хоҳад дод, то аз абзорҳои фишоре, ки барои поён додан ба даргирӣ тарроҳӣ шудаанд, истифода кунад.

Dialog.tj