Устураи мусиқии эронзамин Гугуш хабар дод, ки дар соли 2025 китоби хотироташро нашр хоҳад кард. Ӯ эълон кард, ки дар соли 2025 китоби “Гугуш, як содаи гунаҳкор” ба забонҳои англисӣ ва форсӣ нашр хоҳад шуд.

Фоиқа Оташин, ки бо номи ҳунарии Гугуш шинохта шудааст, дар саҳифаи иҷтимоии худ навишт, бо ҳимояти дӯсташ – Партав Деҳлавӣ ва духтари ӯ – Торо Деҳлавӣ аз 10 сол қабл навиштани китоби хотироташро оғоз кард ва он “ба зудӣ нашр хоҳад шуд”.

Гугуш гуфтааст, ки манти форсии он аз сӯйи рӯзноманигори шинохта Ҳумо Саршор анҷом шудааст ва қарор аст ҳамзамон бо нусхаи англисии он якҷо нашр шавад.

Дар пайи эълони нашри китоби хотироти Гугуш, сомонаи “Голери букз” дар робита ба чопи ин китоб чунин навишт: “Барои бори аввал яке аз бузургтарин ситораҳои попи қарни бустум достони шигифтангези худро таъриф мекунад. Ба шуҳрат расидани ӯ дар Эрон қабл аз инқилоб, дастгирӣ ва зиндон, таъбиди 20 солааш ва дар ниҳоят бозгашти пирӯзмандонааш ба саҳнаи ҷаҳонӣ” - дар китоб шарҳ хоҳад ёфт.

Гугуш бо нашри ёддоште чунин таъкид кард: “Барои нахустин бор сафари зиндагиамро ба таври комил ба иштирок хоҳам гузошт. Ормонҳоям, боварҳои иҷтимоиву сиёсӣ ва аз ҳама муҳимтар руҳи ҳунариам, бесаброна мунтазирам, ки шуморо ба дунёи худам даъват кунам. Мунтазир бошед”.

Устураи попи Эрон Гугуш соли гузашта охирин консерти худро дар шаҳрҳои Аврупо иҷро кард ва таъкид намуд, ки пас аз консерти охирин бознишаста хоҳад шуд.

Dialog.tj