Русия як донишҷӯи хориҷиро барои қасди пайвастан ба гурӯҳи террористӣ дар Афғонистон зиндонӣ кард.

Додгоҳи шаҳри Иркутски Федератсияи Русия як донишҷӯи 20–солаи хориҷиро ба гумони таъмини молӣ ва барномарезӣ барои пайвастан ба гурӯҳи террористӣ дар хоки Афғонистон ба 9 соли зиндон маҳкум кард.

Мақомоти тафтишотии Русия гуфтаанд, ки шоҳид ва далелҳо нишон медиҳанд, донишҷӯ дар моҳи марти соли 2024 аз як созмони террористӣ паём дарёфт карда, то ба Афғонистон сафар кунад.

Бар асоси тафтишоти мақомоти интизомии Русия, донишҷӯи хориҷӣ пас аз дарёфти паём, чиптаи ҳавопаймо барои парвоз ба Афғонистонро харид, то ба террористҳо бипайвандад, вале шиносоӣ ва боздошт шуд.

Мақомоти тафтишотии Федератсияи Русия ҳувияти донишҷӯ ва созмони террористиро зикр накардаанд.

Хабаргузории давлатии ТАСС-и Русия рӯзи ҷумъа ба нақл аз мақомоти тафтишотии ин кишвар хабар дод, ки донишҷӯ пеш аз парвоз ба Афғонистон маблағеро ба як созмони террористии байналмилалӣ фиристодааст.

Бар асоси ҳукми додгоҳи шаҳри Иркутск донишҷӯ пас аз гузаронидани муҳлати 9 –солаи зиндон аз Русия ихроҷ хоҳад шуд. Ҳамчунин, вуруди ӯ ба Федератсияи Русия барои ҳамеша мамнуъ хоҳад шуд.

Як додгоҳи Федератсияи Русия чанд моҳ қабл “Панҷ ҳаводори Толибон” – ро ба гумони барномарезӣ барои ҳамлаи террористӣ дар Екетеренбург ба 16 то 25 соли зиндон маҳкум намуд.

Dialog.tj