Ширкати давлатии ҳавоии Малайзия “Air Asia X  Berhad” дар нақша дорад, ки хатсайри парвозҳои мустақимро миёни пойтахтҳои Ӯзбекистон ва Малайзия роҳандозӣ намояд.

Ширкати давлатии “Air Asia X  Berhad”  бар асоси созишномаи байниҳукуматӣ оид ба алоқаи ҳавоӣ миёни Ӯзбекистон ва Малайзия иҷозатномаи иҷрои парвозҳои мустақими Каула-Лумпур-Тошканд-Каула-Лумпурро ба даст овардааст. Дар ин хусус Хадамоти матбуотии агентии “Узавиатсия” хабар медиҳад.

Тибқи иттилои ширкати мазкур парвозҳои мустақим миёни пойтахтҳои Малайзия ва Ӯзбекистон бо ҳавопаймои навъи А330 анҷом дода мешавад.

Қобили зикр аст, ки ширкати давлатии “Air Asia X  Berhad “ таҳти бренди “Air Asia X”  фаъолият мекунад ва яке аз ширкатҳои пешқадами авиатсионӣ дар минтақаи Осиё мебошад. Ин ширкат хатсайрҳои дурпарвозро дар саросари ҷаҳон анҷом медиҳад.

Боз шудани хатсайри мустақим миёни Малайзия ва Ӯзбекистон дар равобити иқтисодии ду кишвар саҳифаи нав ба ҳисоб меравад. Дар солҳои ахир ҳукумати Ӯзбекистон талош мекунад, ки равобити ду кишвар дар бахшҳои мухталиф тақвият ёбад.

Dialog.tj