Самад Зафар, директори Агентии назорати маводи нашъаовар зимни  нишасти матбуотӣ хабар дод,  давоми соли гузашта 4,3 тонна маводи мухаддир мусодира шуд, ки нисбат ба соли 2023 17% фоиз ва ё 901,5 кило камтар мебошад.

Таъкид гардид, дар давраи ҳисоботӣ 839 ҷинояти марбути маводи мухаддир ба қайд гирифта шуд, ки ин нишондиҳанда дар соли 2023 ба 699 ҷиноят баробар буд.

Афзуда шуд, ки дар ин давра аз ҷониби ниҳоди зертобеи агентӣ фаъолияти 32 гурӯҳи ҷиноятӣ дар ҳайати 83 нафар ошкор ва қатъ карда шуд.

Дар ҳамин ҳол, тибқи иттилои дастрас соли 2024 мусодираи моддаҳои психотропии синтетикӣ 110 килоро ташкил додааст, ки нисбат ба соли 2023  59 фоиз ё 41 кило зиёд мебошад.

Илова карда шуд, ки моддаҳои психотропии синтетикӣ бештар аз Афғонистон ба мамлакат ворид мешавад ва истифодабарандагони он асосан ҷавонон мебошанд.

Ҳамчунин, дар нишасти мазкур гуфта шуд, ки ба ҳолати 1-уми январи соли 2025 дар кишвар 4014 кас бемори нашъаманд буда, аз ин теъдод 110 нафар зан дар қайди наркологӣ қарор доранд, ки ин нишондод нисбат ба соли 2023-юм 146 нафар ё 3,5% коҳиш ёфтааст.

Dialog.tj