Саидмукаррам Абдулқодирзода, раиси Шурои уламои Тоҷикистон зимни нишасти матбуотии Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон доир ба вазъи ҷавоне, ки соли гузашта ба ӯ ҳамла карда буд, иттилоъ дод.

Раиси Шурои уламои Тоҷикистон гуфт, касе, ки ба ӯ ҳамла карда буд, ба ифротгароӣ муттаҳам мешавад.

“Давраи аввали суд даъват шудам, аммо бо сабаби серкорӣ иштирок карда натавонистам, балки намояндаи худро равон кардам. Намоянда гуфт, ки гумонбаршаванда хеле мегирист ва пушаймон буд. Мегуфт, ки манро васвоса карданд, таҳрик доданд, гумроҳ намуданд, ман нафаҳмидам, ки чӣ кор кардам”, - афзуд Саидмукаррам Абдулқодирзода.

Ёдовар мешавем, ки 11-уми сентябри соли гузашта дар назди масҷиди марказии шаҳри Душанбе ба раиси Шурои уламои Тоҷикистон Саидмукаррам Абдулқодирзода як нафар ҳамла карда буд, ки ҷабрдида дар пешониаш захм бардошт.

Dialog.tj