РУС ТОҶ
27 Сентябр 2026,
якшанбе, 19:09, Душанбе
Диалог. Тоҷикистон ва ҷаҳон
РУС ТОҶ
Минтақаҳо
30.01.2025 17:15

Лахш, Рашт ва Ванҷ. «Тоҷик Эйр» тасмим дорад хатсайри парвозҳоро зиёд кунад

Ширкати «Тоҷик Эйр» тасмим дорад, ки дар соли ҷорӣ парвозҳоро зиёд карда, дар хатсайри Душанбе-Ванҷ-Душанбе, Душанбе-Рашт-Душанбе, Душанбе-Лахш-Душанбе ба мусофирон хизмат намояд.

Бояд гуфт, ки   ширкати «Тоҷик Эйр» чанде пеш парвозҳоро тариқи хатсайри Душанбе-Хоруғ-Душанбе, Душанбе-Кӯлоб-Душанбе ва Душанбе-Панҷакент-Душанбе роҳандозӣ карда буд. Дар ин хусус, Парвиз Шодмонзода, директори ширкати мазкур зимни нишасти матбуотӣ иттилоъ дод, ки давоми чор моҳи соли 2024 ширкат дар масири Душанбе-Хоруғ-Душанбе 29 парвоз анҷом дода, дар маҷмуъ ба 981 мусофир хизмат расонидааст.

Дар нишаст гуфта шуд, ки дар ҳоли ҳозир ширкати «Тоҷик Эйр» ба мусофирон танҳо бо як ҳавопаймои АН-28 (ЕУ-28736) хизмат мерасонад, аммо масъулин афзуданд, ки пас аз таъмир ду ҳавопаймои дигар низ ба хатсайрт мебароянд.

Тибқи иттилои масъулин бо мақсади осон кардани сафари сокинону меҳмонони кишвар ба минтақаҳои дурдасти гуногун парвозҳои дохилӣ роҳандозӣ шудаанд.

Ёдовар мешавем, ки ширкати “Тоҷик Эйр” 3-юми октябри соли 2024 дар хатсайри Душанбе-Хоруғ, 15-уми январи соли 2025 дар хатсайри Душанбе-Кӯлоб ва 24-уми январи соли ҷорӣ дар масири Душанбе-Панҷакент парвозҳои мунтазамро оғоз кард.

Dialog.tj

Хатти хабарҳо

Матолиби ҷолиб дар ВАО
26.09.2026 19:14

Фишори Трамп ба Зеленский барои дидор бо Путин дар Маскав

Доналд Трамп, раиси ҷумҳури Иёлоти Муттаҳида, аз Владимир Зеленский, раиси ҷумҳури Украина, хостааст барои мулоқот бо Владимир Путин ва талош барои азсаргирии музокироти сулҳ ба Маскав сафар кунад.
Фарҳанг
26.09.2026 12:39

Сумбул Лутфуллоева: “Барои ба дил расидан, дардро бояд ҳис кард”

Сумбул Лутфуллоева метавонист имрӯз муҳандис-технолог бошад, аммо муҳаббат ба сурудхонӣ ӯро ба саҳна овард. Ӯ Академияи давлатии Маскавро хатм кардааст, аммо имрӯз дар Консерваторияи миллии Тоҷикистон таҳсил мекунад ва роҳи худро дар ҷаҳони мусиқӣ мекобад. Финалисти Озмуни «Мисс Душанбе» ва барандаи ҷойи сеюми Озмуни ҷумҳуриявии «Тоҷикистон — Ватани азизи ман» аст.
Ҷаҳон
26.09.2026 12:24

Афви байналмилал: нодида гирифтани ҳукми боздошти Нетаняҳу аз сӯйи ИМА шармовар аст

Созмони Афви байналмилал мегӯяд, дар ҳоле ки Бенямин Нетаняҳу, нахуствазири Исроил, ба иттиҳоми ҷиноятҳои ҷангӣ ва ҷиноятҳо алайҳи башарият таҳти пайгарди Додгоҳи байналмилалии ҷиноӣ қарор дорад, ӯ ба ҷойи ҳозир шудан дар додгоҳ дар Маҷмаи умумии Созмони Милали Муттаҳид дар Ню-Йорк суханронӣ мекунад.
Ҷаҳон
26.09.2026 10:08

Гутерриш: “Ҳатто пас аз поёни маъмуриятам аз сулҳ ва каромати инсонӣ ҳимоят хоҳам кард”

Антониу Гутерриш, дабири кулли Созмони Милали Муттаҳид, эълон кардааст, ки ҳатто пас аз поёни маъмурияташ ба ҳайси дабири кулли ин созмон, ба ҳимоят аз сулҳ, каромати инсонӣ ва волоияти қонун идома хоҳад дод.
Афғонистон
26.09.2026 10:02

Ҷабҳаи озодии Афғонистон аз кушта ва захмӣ шудани панҷ ҷангҷӯйи Толибон дар Сарипул хабар дод

Ҷабҳаи озодии Афғонистон эълон кардааст, ки дар пайи ҳамлаи низомии неруҳои ин ҷабҳа дар вилояти Сарипули Афғонистон, панҷ ҷангҷӯйи Толибон кушта ва захмӣ шудаанд.
Сиёсати хориҷӣ
25.09.2026 18:20

Сарвари давлат ба Қосим-Жомарт Токаев барқияи изҳори тасаллӣ ирсол намуданд

Имрӯз, 25-уми сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба президенти Ҷумҳурии Қазоқистон Қосим-Жомарт Токаев барқияи изҳори тасаллӣ ирсол намуданд.