Ҳамлагари мунтахаби Португалия ва бошгоҳи арабии “Ал-Наср” Криштиану Роналдо билохира эътироф кард, ки футболбози аргентинӣ ва рақиби асосиаш дар майдони футбол Лео Месси беҳтарин футболбоз аст.

Пирс Морган, журналисти машҳури британӣ ва дӯсти Криштиану Роналдо ба нашрияи “givemesport” мусоҳиба дода, дар мавриди шинохти Роналдо нисбат ба Лео Месси низ гуфтааст.

- Рӯзе аз Роналдо пурсидам, ки ту дар корномаи варзишиат бо бисёр бозингарон ва зиддӣ бисёри дигар дар майдон бозӣ кардӣ, ба фикри ту беҳтарин футболбоз кист? Ӯ бидуни фикри зиёд ному насаби Лео Мессиро ба забон овард.

Ҳамчунин, журналист илова кардааст, ки Роналдо аз ҳолати варзишии футболбози аргентинӣ Лео Месси ба ҳайрат омада, ӯро тавсиф кардааст.

Бисёр хуб аст, ки чунин суханро мухлисони футбол аз забони Криштиану Роналдо нисбати корнома ва шахсияти Лео Месси мешунаванд, дар ҳоле ки ин ду футболбоз зиёда аз 15 сол рақиби сарсахти ҳамдигар дар майдон маҳсуб меёбанд. 

Dialog.tj