Дар соли 2024 табодули тиҷорат миёни Чин ва кишварҳои Осиёи Марказӣ ба сатҳи рекордӣ расид. Табодули тиҷорат миёни кишварҳои Осиёи Марказӣ ва Чин дар поёни соли 2024 ба 94,82 миллиард доллар расид. Дар ин хусус хабаргузории “Казинформ” хабар медиҳад.

Иттилооти ҳаҷми тиҷорат миёни кишварҳои Осиёи Марказиро хадамоти гумруки Ҷумҳурии Халқии Чин нашр кардааст.

Дар раддабандии шарикони тиҷоратии Чин дар Осиёи Марказӣ Қазоқистон дар ҷойи якум (бо ҳаҷми тиҷорати 43,83 миллард долллар), Қирғизистон дар ҷойи дувум (бо ҳаҷми тиҷорати 22,71 миллард доллар), Ӯзбекистон дар ҷойи сеюм (бо ҳаҷми тиҷорати 13,78 миллиард доллар), Туркманистон дар ҷойи чорум (бо ҳаҷми тиҷорати 10,65 миллиард доллар) ва Тоҷикистон дар ҷойи панҷум (бо ҳаҷми тиҷорати 3,54 миллиард доллар) қарор гирифт.

Қобили зикр аст, ки дар соли 2023 гардиши молии Чин бо кишварҳои Осиёи Марказӣ 89, 4 миллиард долларро ташкил дода буд. Ёдовар мешавем, ки дар соли 2024 ҳаҷми мубодилоти тиҷоратии Чин бо дигар кишварҳо ба 6,16 триллион доллар расид. Тиҷорати Чин нисбат ба соли гузашта қариб 1 триллион доллар афзоиш ёфтааст.

Хабаргузориҳо менависанд, ки Маҷлиси солонаи парлумони Чин 5-уми марти соли ҷорӣ баргузор мешавад, ки дар он нишондиҳандаҳои асосии рушди иқтисодии Чин барои соли 2025 эълон хоҳад шуд.

Dialog.tj