Президенти Ӯзбекистон Шавкат Мирзиёев бо судури як фармон ба корхонаҳои нассоҷӣ дастур додааст, ки ҳаҷми содироти маҳсулоти нассоҷӣ то соли 2027 ба 7 миллиард доллар расонида шавад.

Шавкат Мирзиёев ин фармонро бо мақсади рушди занҷираи саноати нассоҷӣ, либосворӣ ва бофандагӣ имзо кард. Фармони имзошудаи президент аҳдофи калидиро барои давраи солҳои 2025-2027 мушаххас мекунад.

Тибқи фармони президент, ҳаҷми содироти маҳсулоти нассоҷӣ то соли 2025 4 миллиард доллар, то соли 2025 5 миллиард доллар ва то соли 2027 ба 7 миллиард доллар мерасад. Дар баробари ин, ҳиссаи содироти маҳсулоти тайёр ба бозорҳои ИМА ва Аврупо 500 миллион долларро ташкил хоҳад дод.

Бар асоси маълумоти агентии омори ин кишвар аз рӯйи натиҷаҳои моҳҳои январ-декабри соли 2024 маҳсулоти нассоҷӣ ба маблағи 2 миллиарду 870 миллион доллар содирот шудааст, ки 10, 6 % ҳаҷми умумии онро ташкил медиҳад ва нисбат ба ҳамин давраи соли 2023 6, 7% кам шудааст.

Таъкид мегардад, ки вазни қиёсии нассоҷии тайёр ва бофандагӣ дар экспорти умумӣ ба 70 фоиз мерасад. Ин аз намуди технологияҳои пешрафта, қарорҳои муосири тарҳрезӣ ва ҷалби брендҳои ҷаҳонӣ ба даст оварда мешавад.

Барои рушди саноати Ӯзбекистон дар нақша аст, ки сармоягузории хориҷӣ ва қарзҳоро барои пешрафти соҳаи нассоҷӣ ҷалб намоянд.

Dialog.tj