Чор кишвар ба феҳристи сохтани неругоҳҳои атомӣ дар Ҷумҳурии Қазоқистон шомил шудаанд, ки эҳтимол дорад, дар оянда бо ин кишварҳо ҳамкориҳо оғоз гардад.

Мақомоти Қазоқистон барои суръат бахшидан ба кори сохти неругоҳи атомӣ як қатор боздидҳоро барои интихоби технологияҳои сохтмони неругоҳҳои атомӣ оғоз кардаанд. Дар ин хусус, хабаргузории “Казинформ” хабар медиҳад.

Ба ин рӯйхат чор кишвар – Русия, Кореяи Ҷанубӣ, Чин ва Фаронса шомиланд. Дар ин кишварҳо ширкатҳои CNNC, ICHP, EDF  ва РУСАТОМ амал мекунанд. Гуфта мешавад, ки кишварҳое ба мисли АМА, Туркия, Ҳиндустон, Маҷористон ва Миср бо ин кишварҳо ҳамкорӣ мекунанд.

Раиси Ассотсиатсияи ташкилоти таъминоти энергетикии Қазоқистон Сергей Афғонов дар хусуси ин ки чаро маҳз ин чор кишвар ва ширкатҳои онҳо барои ҳамкорӣ интихоб шудаанд мегӯяд, ки чанд омил дар ин замина вуҷуд дорад, ки онҳоро муттаҳид менамояд: “Якум, таҷрибаи бузурге, ки ин ширкатҳо доранд. Дуюм, онҳо, инчунин, технологияи оби сангинро доранд. Аз ин хулоса баровардан мумкин аст, ки мо чӣ гуна неругоҳи атомӣ месозем.

Инҳо реакторҳои дорои ду контури сардшавии об мебошанд. Инҳо, бехатартарин реакторҳоянд. Тавре мефаҳмам, вақте мо пешниҳодҳоро барои шомил шудан ба рӯйхати кӯтоҳ фиристодем, ин кишварҳо буданд, ки посух доданд. Зеро, навъҳои зиёди реакторҳои дигар вуҷуд доранд ва эҳтимол ба мо 16 навъеро дар як вақт, ки дар рӯйхати кӯтоҳ мавҷуд буданд пешниҳод карданд. Инҳо эҳтимолан реакторҳои навъи дигар буданд

Бо вуҷуди ин, интрига боқӣ мемонад ва ман фикр мекунам, ки ин бад нест, зеро ман ҳамеша гуфта будам, ки барои мо муҳим аст, то ҳадди имкон бо фурушандагони оянда бо нархи мусоид барои Қазоқистон гуфтушунид анҷом диҳем”- гуфт раиси Ассотсиатсияи ташкилотҳои таъминоти энергетикии Қазоқистон Сергей Афғонов.

Қаблан, баъзе хабарҳо нашр шуда буд, ки Қазоқистон метавонад ба сохтмони неругоҳи дуюми атомӣ низ оғоз кунад. Он вақт Темур Жантикин, директори ҶСК “Неругоҳҳои атомии Қазоқистон” таъкид карда буд, ки эҳтимолан дар шарқи Қазоқистон неругоҳи дуюми атомӣ сохта шавад.

Dialog.tj