19-уми январ мусобиқаи UFC 311 дар ИМА баргузор шуд, ки дар ду набарди асосӣ чемпионҳои ду вазн камарбандҳои худро ҳимоя карданд.

Чемпиони вазни сабук Ислом Махачев зидди Ренато Мойкано ба муҳориба баромада, дар раунди якум бо усули буғӣ кардан зафар ёфт ва бори чорум камарбанди чемпиониашро ҳимоя кард, ки дар ин вазн рекорд аст.

Мераб Двалишвилӣ, чемпиони вазни нимсабуки ЮФС бори аввал камарбанди чемпиониашро дар муҳориба бо Умар Нурмагомедов ҳимоя кард. Муҳорибаи онҳо панҷ раунд давом ёфт.

Дар ин мусобиқаи бошукуҳ размкори номдори тоҷик Муин Ғафуров низ иштирок карда, Риня Накамураро аз Ҷопон мағлуб кард. Муин Ғафуров чорум муҳорибаашро дар ташкилоти UFC гузаронид ва дар ин муҳорибааш 28 ҳазор доллари амрикоӣ ба даст овард.

Ҳамчунин, ҷанговарони ду муҳорибаи асосии мусобиқаи мазкур бо ин тартиб пул кор карданд: Ислом Махачев – 3 миллиону 642 ҳазор доллар, Ренато Мойкано – 1 миллиону 382 ҳазор доллар, Мераб Двалишвили – 2 миллиону 192 ҳазор доллар ва Умар Нурмагомедов – 1 миллиону 132 ҳазор доллар.

Dialog.tj