РУС ТОҶ
27 Сентябр 2026,
якшанбе, 20:13, Душанбе
Диалог. Тоҷикистон ва ҷаҳон
РУС ТОҶ
Шарқи Наздик
20.01.2025 16:03

Ду судяи додгоҳи олии Эрон дар як ҳамлаи террористӣ кушта шуданд

Як фарди ҳамлагар ба сӯйи ду судяи Додгоҳи Олии Ҷумҳурии Исломии Эрон тир паронид, ки дар натиҷаи он ҳарду кушта шуданд.

Алӣ Розинӣ ва Муҳаммад Муқиса ҳарду судяҳои олирутбаи Додгоҳи Олии Эрон буданд. Фарди ҳамлагар пас аз анҷоми ин амал худкушӣ кардааст.

Мақомоти полиси Эрон дар робита ба ҳодисаи қатли ин ду судяи олрутба тафтишот оғоз кардааст.

Гуфта мешавад, ки Алӣ Розинӣ ва Муҳаммад Муқиса дар тӯли фаъолияти судягии худ парвандаҳои муҳимми сиёсӣ ва амниятиро пеш бурдаанд.

Мақомоти полиси Эрон ҳодисаи зикршударо амали террористӣ арзёбӣ намуданд.

“Тибқи татқиқоти ибтидоӣ фарди ҳамлагар на парвандае дар Додгоҳи олии кишвар дошта ва на аз муроҷиаткунандагон ба шуъбаҳои додгоҳ будааст. Билфосила пас аз иқдоми террористӣ фарди мусаллаҳ дастгир мешавад, ки вай ба суръат пас аз иқдоми террористӣ худкушӣ мекунад”- менависад ВАО-и эронӣ.

Роҳбарияти олии Ҷумҳурии Исломии Эрон қатли ин ду судяи Додгоҳи Олии Эронро маҳкум намуданд. Раҳбари Эрон Алии Хоманаӣ намози ҷанозаи онҳоро хонд ва дар суҳбат бо ВАО гуфт, ки кушташудагон хизматҳои зиёде дар низоми додгоҳии Ҷумҳурии Исломии Эрон кардаанд.

Dialog.tj

Хатти хабарҳо

Матолиби ҷолиб дар ВАО
26.09.2026 19:14

Фишори Трамп ба Зеленский барои дидор бо Путин дар Маскав

Доналд Трамп, раиси ҷумҳури Иёлоти Муттаҳида, аз Владимир Зеленский, раиси ҷумҳури Украина, хостааст барои мулоқот бо Владимир Путин ва талош барои азсаргирии музокироти сулҳ ба Маскав сафар кунад.
Фарҳанг
26.09.2026 12:39

Сумбул Лутфуллоева: “Барои ба дил расидан, дардро бояд ҳис кард”

Сумбул Лутфуллоева метавонист имрӯз муҳандис-технолог бошад, аммо муҳаббат ба сурудхонӣ ӯро ба саҳна овард. Ӯ Академияи давлатии Маскавро хатм кардааст, аммо имрӯз дар Консерваторияи миллии Тоҷикистон таҳсил мекунад ва роҳи худро дар ҷаҳони мусиқӣ мекобад. Финалисти Озмуни «Мисс Душанбе» ва барандаи ҷойи сеюми Озмуни ҷумҳуриявии «Тоҷикистон — Ватани азизи ман» аст.
Ҷаҳон
26.09.2026 12:24

Афви байналмилал: нодида гирифтани ҳукми боздошти Нетаняҳу аз сӯйи ИМА шармовар аст

Созмони Афви байналмилал мегӯяд, дар ҳоле ки Бенямин Нетаняҳу, нахуствазири Исроил, ба иттиҳоми ҷиноятҳои ҷангӣ ва ҷиноятҳо алайҳи башарият таҳти пайгарди Додгоҳи байналмилалии ҷиноӣ қарор дорад, ӯ ба ҷойи ҳозир шудан дар додгоҳ дар Маҷмаи умумии Созмони Милали Муттаҳид дар Ню-Йорк суханронӣ мекунад.
Ҷаҳон
26.09.2026 10:08

Гутерриш: “Ҳатто пас аз поёни маъмуриятам аз сулҳ ва каромати инсонӣ ҳимоят хоҳам кард”

Антониу Гутерриш, дабири кулли Созмони Милали Муттаҳид, эълон кардааст, ки ҳатто пас аз поёни маъмурияташ ба ҳайси дабири кулли ин созмон, ба ҳимоят аз сулҳ, каромати инсонӣ ва волоияти қонун идома хоҳад дод.
Афғонистон
26.09.2026 10:02

Ҷабҳаи озодии Афғонистон аз кушта ва захмӣ шудани панҷ ҷангҷӯйи Толибон дар Сарипул хабар дод

Ҷабҳаи озодии Афғонистон эълон кардааст, ки дар пайи ҳамлаи низомии неруҳои ин ҷабҳа дар вилояти Сарипули Афғонистон, панҷ ҷангҷӯйи Толибон кушта ва захмӣ шудаанд.
Сиёсати хориҷӣ
25.09.2026 18:20

Сарвари давлат ба Қосим-Жомарт Токаев барқияи изҳори тасаллӣ ирсол намуданд

Имрӯз, 25-уми сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба президенти Ҷумҳурии Қазоқистон Қосим-Жомарт Токаев барқияи изҳори тасаллӣ ирсол намуданд.