Як мақомдори баландпояи Русия ба Арманистон ҳушдор шуд, ки дар сурати узвият дар Иттиҳоди Аврупо аз узвияти Иттиҳоди иқтисодии Авруосиё хориҷ шавад. Ин мақомдори рус таъкид кардааст, ки пайвастани Арманистон ба Иттиҳоди Аврупо паёмадҳои иқтисодии сахт хоҳад дошт.

Алексей Оверчук, муовини сарвазири Русия оид ба лоиҳаи пайвастани Арманистон ба Иттиҳоди Аврупо изҳори назар намуда, ин иқдомро оғози хуруҷи Арманистон аз Иттиҳоди иқтисодии Авруосиё донистааст. Ин мақомдори рус меафзояд, ки Русия сиёсати иқтисодии худ дар қиболи Арманистонро дар чорчӯби нав танзим хоҳад кард.

“Иттиҳоди иқтисодии Авруосиё ва Иттиҳоди Аврупо бо якдигар созгор нестанд. Ҳар ду иттиҳодия ба маънои адами вуҷуди марзҳои гумрукӣ ва озодии ҳамлу нақли маҳсулот, хизматрасонӣ, сармоя ва неруи кор мебошад. Тасвири ин ки ду иттиҳодия дар нуқтае ба якдигар васл шаванд, ғайримумкин аст. Бо ин далел, лоиҳаи ин қонун оғози раванди узвият ба Иттиҳоди Аврупоро, ки дар Арманистон дар ҳоли баррасӣ аст, кишварро водор ба интихоб мекунад”- таъкид кардааст Алексей Оверчук.

Сарвазири Арманистон Никол Пашинян зимни муҳокимаи қонуни пайвастани Арманистон ба Иттиҳоди Аврупо чунин афзуд: “Пас аз тасвиби қонун мо бояд, бо Иттиҳоди Аврупо дар мавриди нақшаи роҳе, ки онҳо ва мо дар назар дорем, гуфтугӯ кунем, бо якдигар нақшаи роҳро танзим намоем”.

Dialog.tj