Мақомоти полиси вилояти Актюбеи Қазоқистон хабар доданд, ки гурӯҳе аз гумонбарон як занро дар бинои истиқоматии минтақаи номбурда гаравгон гирифтанд. Тибқи иттилои полис, гурӯҳи фаврӣ ва неруҳои махсус ба ҷойи ҳодиса ҳозир шуда, амалиёт анҷом доданд.

Зимни гузаронидани чораҳои апперативӣ маълум шуд, ки гаравгон як зан буда, қаблан бо гурӯҳи гумонбар шинос будааст.

Гумонбарон дар баробари амали анҷомдодаи худ ҳеҷ талаб пеш нагузоштаанд. Пас аз се соати музокира ва саркашии гумонбарон аз талаби иҷрои раҳоии гаравгонон, инчунин, баъди омодагии ҳамаҷонибаи неруҳо тасмим гирифта шуд, ки амалиёти низомӣ гузаронида шавад.

Дар вақти азназаргузаронии ҷои ҳодиса, волидайни пири ин зан дар таҳхонаи бино бо захмҳои корд пайдо шуданд. Мутассифона, яке аз ҷабрдидагон бо захмҳои корд дар ҷойи ҳодиса ба ҳалокат расида, як нафари дигар дар вақти интиқол ба бемористон ҷон дод.

Полиси минтақаи зикршуда хабар дод, ки пизишкон ба ҷабрдидаи севум тамоми кумакҳои тиббии заруриро мерасонанд.

Нисбати ҳодиса парвандаи ҷиноӣ оғоз шуда, тафтишот идома дорад.

Dialog.tj