Гурӯҳи террористии “Таҳрир-ал-шом”, ки рӯзи чоршанбе ҳамла ба шаҳри Ҳалабро оғоз карда буд, комилан ин шаҳрро тасарруф кард. ВАО хабар медиҳад, ки субҳи рӯзи 30-уми ноябр қароргоҳҳои полис ва идораҳои давлатӣ дар ин шаҳр ба тасарруфи террористон даромаданд.

Дар Сурия ҷангҳои ҷадид байни неруҳои Башор Асад ва гурӯҳҳои террористӣ дар шаҳрҳои Адлиб ва Ҳалаб тайи ду рӯзи ахир шиддат мегиранд.

Гуфта мешавад, ки барои пуштибонӣ аз неруҳои Башор Асад неруҳои ҳавоии Федератсияи Русия вориди амал шудаанд. Неруҳои ҳавоии Русия мавқеъҳои гурӯҳои террористӣ дар шаҳри Ҳалаб ва Адлибро бомбаборон кардаанд. ВАО хабар медиҳад, ки дар натиҷаи ҳамлаҳои ҳавоии Русия беш аз 300 нафари гурӯҳҳои террористӣ кушта шуданд.

Неруҳои артиши Русия аз шаҳр ақибнишинӣ кардаанд. Хабаргузории вобаста ба давлати Сурия хабар медиҳад, ки барои пуштибонӣ аз артиши Сурия Русия кумакҳои иловагӣ хоҳад фиристод.

Бархе аз гурӯҳҳои террористӣ, ки вориди Ҳалаб шудаанд, вобаста ба Туркия мебошанд. Тибқи гузориши ВАО дар натиҷаи бомбаборони ҳавоии Русия 4 неруҳои низомии Туркия, ки дар Сурия қарор доранд, кушта шуданд. Русия ба мавқеи ҷойгиршавии гурӯҳои террористӣ ва неруҳои вобаста ба Туркия ҳамлаи ҳавоӣ анҷом дод.

Хабаргузории давлатии Сурия хабар дод, ситоди артиши Сурия зимни нашри баёния таъкид кард, ки неруҳои артиш барои муқобила бо ҳамлаи густурдаи гурӯҳи террористон омодагии комил доранд. Дар баёнияи артиши Сурия зикр шуд, ки “Ин гурӯҳҳои террористӣ дар ҳамлаи худ бар навъҳои мухталифи силоҳҳои сангин ва миёна, паҳбод ва гурӯҳҳои зиёди террористҳои хориҷӣ такя доранд. То кунун даҳҳо дастгоҳ ва таҷҳизот, худравҳои низомӣ ва зидигулулаи террористӣ мавриди ҳамла қарор гирифтанд ва ҳафт ҳавопаймои бидуни сарнишин сарнагун шуданд”.

Dialog.tj