Дар рӯзи ҷаҳонии ҳамраъйӣ бо мардуми Фаластин президени Балорусия бо ирсоли номаи табрикотӣ ба раиси ташкилоти худгардони Фаластин Маҳмуд Аббос таъкид кард, ки Беларус ба мавқеи Фаластин оид ба таъмини қонунии истиқлолияти Фаластин содиқ аст.

“Итминон дорам, ки дар ин замони душвори озмоиш барои мардуми Фаластин мероси аввалини президенти вақт Ёсир Арафот, ки тавонист ҳамватанони худро муттаҳид кунад ва роҳи истиқрори сулҳи дарозмуддатро дар сарзамини муқаддас нишон диҳад, идома меёбад. Боварӣ дорам, ки коҳиш додани шиддати вазъияти Шарқи Наздик ва ба даст овардани истиқлол бо суръати сулҳ ва амният ба субот ва рушди иқтисодии Фаластин ва давлатҳои тамоми минтақа мусоидат мекунад” – таъкид кард президенти Беларусия.

Президенти Беларусия Александ Лукашенко, ҳамчунин, таъкид намуд, ки кишвараш ҷонибдори таъмини ҳуқуқҳои башарии фаластиниҳо ва таъмини истиқлолият тибқи қарори Созмони Миллали Муттаҳид буда, аз таъсиси ду давлати мустақил барои ду халқ пуштибонӣ мекунад.

Dialog.tj