Лю Лянгэ, раиси пешини Бонки Чин рӯзи сешанбеи ҳафтаи ҷорӣ барои гирифтани ришва ва додани қарзи ғайриқонунӣ ба ҳукми қатл маҳкум шуд. Дар ин хусус хабаргузории “Синхуа” низ хабар медиҳад.

Тибқи иттилои ВАО-и кишвари Чин додгоҳи мардумии шаҳри Ҷинани музофоти Шандун Лю Лянгэро ба гирифтани ришва ба маблағи 16,8 миллион доллар гунаҳкор донист.

Додгоҳ муайян кард, ки Лю Лянгэ дар соли 2010 то соли 2023 дар вазифаҳои мухталиф кор карда, дар вақти роҳбарии Бонки содироту воридоти Чин ва Бонки Чин-ро бар душ доштан бо истифода аз ваколатҳои хизматии худ манфиати шахсони сеюмро ҷонибдорӣ намудааст. Ӯ бо сӯйистифода аз ваколатҳои худ ба маблағгузории қарзӣ, ҳамкориҳои лоиҳавӣ, таъиноти кадрҳо кумак намуда, бар ивази ҳалли масъалаҳои зикршуда ришва гирифтааст.

Илова бар он, муайян карда шуд, судшаванда бар хилофи меъёрҳои ҳуқуқӣ дар додани қарз ба ширкатҳое, ки ба талаботи зарурӣ посухгӯ нестанд, ба маблағи умумии беш аз 3,32 миллиард юан кумак кардааст. Дар натиҷа ӯ ба кишвараш беш аз 190,7 миллион юан зарари молиявӣ расонидааст.

Dialog.tj