Рӯзи 26-уми ноябр Ширкати “Барқи Тоҷик” ва “Брешно”-и Афғонистон шарномаи фурӯши барқро имзо кардаанд. Дар робита ба ин масъулини шикати “Брешно” иттилоъ додаанд.

Дар хабарҳо дигар ҷузъиёти қарордоди фурӯши барқ аз ҷониби Тоҷикистон ба Афғонистон зикр нашудааст.

Дар ин бора таъкид кардан ба маврид аст, ки Тоҷикистон бо Афғонистон дар соли 2008 то соли 2028 қарордоди фурӯши барқро имзо кард. Тибқи ин қарордод, ҷонибҳо вазифадоранд, ки ҳар сол доир ба шароити фурӯши барқ боз шартнома имзо намоянд.

Қобили зикр аст, ки Тоҷикистон ба бархе кишварҳои минтақа, аз ҷумла Афғонистон, Ӯзбекистон ва Қазоқистон солона барқ мефурӯшад. Тибқи охирин омор, дар моҳи октябри соли равон Тоҷикистон ба хориҷ 1,8 миллион доллар барқ фурӯхтааст.

Dialog.tj