Эрон бо таваҷҷуҳ ба ҳаммарз будани Афғонистон ва Чин мехоҳад, ки роҳи оҳани байни се кишвар: Афғонистон, Чин ва Эрон сохта шавад.

Ҷабборалӣ Зокирӣ, мудири Роҳи оҳани Эрон дар мулоқот бо Исҳоқ Соҳибзода, муовини Вазири фавоиди омма ва раиси хатти Роҳи оҳани Афғонистон (дар ҳукумати гурӯҳи террористии Толибон) таъкид намуд, ки пайвастани ин се кишвар ба роҳи оҳан метавонад бо кӯтоҳ намудани масири ҳамлу нақл маблағи интиқоли маҳсулотро коҳиш диҳад.

Ӯ вуҷуд доштани хати роҳи оҳан дар шимолу ғарби Афғонистон ва дар наздикии марзи муштарак бо Эронро як фурсати муносиб барои транзит миёни Афғонистону Эрон донист. Ҷонибҳо таъкид карданд, ки бо таваҷҷуҳ ба аҳмияти муҳимми хати роҳи роҳан ҳар ду кишвар тарҳро густариш хоҳанд дод.

Намояндаи гурӯҳи террористии Толибон изҳори хурсандӣ намуда, ки дар барномаи ҳамлу нақли кишвараш осониҳо эҷод мешаванд. Ҳамчунин, дар мулоқоти ҷонибҳо таъкид шудааст, ки барои эҷоди хати роҳи оҳани Заранҷ-Қандаҳор таҳқиқот оғоз шуда ва пайваст шудани он ба хати роҳи оҳани Зобул дар равобити ин ду кишвар фасли ҷадид хоҳад буд.

Dialog.tj