Президенти Индонезия Прабово Субианто хостори барқарории оташбаси фаврӣ дар минтақаҳои ҷангзадаи Украина ва Ғаза шуда, нақши кишвраҳои узви гурӯҳи 20-ро дар овардани сулҳ ва субот махсусан таъкид кард.

Президенти Индонезия Прабово Субианто дар Нишасти сарони кишварҳои гурӯҳи 20 дар Бразилия бо ишора ба тағйироти геополитикӣ ва даргириҳои ҷорӣ аз тамоми аъзои гурӯҳи зикршуда хост барои дастёбӣ ба сулҳу субот қадамҳои амалӣ бардоранд. “Сулҳ ва субот ниёзи аввалия барои муқобила бо проблемаҳои ҷаҳонӣ, аз ҷумла фақр ва гуруснагӣ ҳастанд” – таъкид намуд президенти Индонезия.

Прабово Субианто аз сарони кишварҳои узви гурӯҳи 20 ҳамчунин, хост, ки талошҳои чандҷонибаро ҷиҳати фароҳам намудани заминаҳои расидан ба сулҳ дар минтақаҳои ҷангзада тақвият диҳанд: “Мо аз кишварҳои гурӯҳи 20 мехоҳем, ки барои оташбаси фаврӣ дар Украина ва Ғаза талошҳои чандҷонибаро тақвият кунанд.”

Dialog.tj