Филми коргардони тоҷик Манзаралӣ Шералӣ “Дар талоши ҳақиқат” дар Cинамоҷашнвораи ХХХ-и байналмилалии “Листопад” соҳиби ҷоиза гардид.

Бояд ёдовар шуд, ки Синамоҷашнвораи ХХХ-и байналмилалии “Листопад” аз 1-ум то 8-уми ноябр дар шаҳри Мински Ҷумҳурии Беларус баргузор гардид. Дар ин синамоҷашнвора филми ҳунарии “Дар талоши ҳақиқат” низ ба тамошо гузошта шуд.

Чанд вацт пеш филми “Дар талоши ҳақиқат” дар ҷашнвораи синамоии “Тоҷи сомон” низ соҳиби ҷоиза шуда буд.

Коргардони филм дар саҳифаи фейсбукиаш навишт: “Аввалин ҷоизаи миллӣ барои ба даст овардани ҷоизаҳои байналмилалӣ роҳ кушод. Баъди ба даст овардани аввалин ҷоиза дар Синамоҷоизаи дуюми миллиии “Тоҷи сомон” филми мо акнун соҳиби аввалин ҷоизаи байналмилалӣ гардид. Ин ҷоизаро барои рушди бештари синамои миллӣ ба тамоми мардуми Тоҷикистон мебахшем”.

Филми мазкур аз ҷониби Муассисаи давлатии “Тоҷикфилм” наворбардорӣ шудааст ва дар бораи ҳаёти рӯзноманигоре қисса мекунад.

Dialog.tj