Дар литсейи Техникии Ноҳияи Шуғнони ДБАО Маркази шуғли фосилавӣ кушода шудааст, ки барои кори фосилавӣ имконият фароҳам меорад ва малакаҳои рақамии ҷавонони минтақаро рушд медиҳад. Ташаббус бо дастгирии Кумитаи таҳсилоти ибтидоӣ ва миенаи касбии Назди Ҳукумати ҶТ, инчунин шарикони рушд амалӣ карда шуд.

Маркази шуғли фосилавӣ дар Шуғнон шашумин дар ҷумҳурӣ мебошад. Дар Айни замон чунин марказҳо дар Душанбе, Хоруғ, Хуҷанд, Панҷакент ва Бохтар фаъолият мекунанд.

Маркази шуғнон ба тавонмандсозии ҷавонон тавассути пешниҳоди онҳо барои иҷрои корҳои муфид ва мусоидат ба рушди малакаҳои асосӣ, ки барои муваффақ шудан дар иқтисоди рақамии муосир заруранд, равона шудааст.

Таъсиси Маркази шуғли фосилавӣ дар Шуғнон як ҳалли инноватсионӣ барои ташкили ҷойҳои корӣ дар минтақаҳои дурдаст мебошад. Он ба ҷавонон имконият медиҳад, ки дар ҷамоатҳои худ бимонанд ва ҳамзамон ба бозорҳои ҷаҳонии меҳнат дастрасӣ пайдо кунанд.

Бо кор дар бозорҳои байналмилалии меҳнат ҷавонон метавонанд малака, дониш ва манфиатҳои иқтисодиро ба ҷамоатҳои маҳаллии худ ворид намуда, ба рушди умумӣ ва баланд бардоштани рақобатпазирии Тоҷикистон мусоидат намоянд.

Таъсиси марказҳои шуғли фосилавӣ махсусан муҳим аст, зеро беш аз нисфи Аҳолии Тоҷикистон аз 30-сола боло мебошанд. Аз соли 2021 инҷониб, марказҳои шуғли фосилавӣ беш аз 7 ҳазор ҷавононро дар саросари кишвар таълим дода, ба онҳо дар гирифтани малакаҳои зарурӣ барои кор дар шароити рақамӣ кӯмак кардаанд. Дар айни замон, тақрибан 3 ҳазор наврасон ва ҷавонон ба шарофати ин марказҳо кор пайдо кардаанд.

Маркази Шуғнон бо шарикони маҳаллӣ, аз ҷумла Маркази Инноватсионии Помир ҳамкории зич хоҳад дошт, то дастгирии зарурии техникӣ барои кори самаранок таъмин карда шавад. Ин ҳамкорӣ ба баланд бардоштани қобилияти кории ҷавонон ва мусоидат ба рушди иқтисодии минтақа равона шудааст.

Муштари АСЛАМШОЕВА

Dialog.TJ