Дар Тоҷикистон дар ҳошияи дувумин Ҷашнвораи миллии синамоии "Тоҷи Сомон" Рӯзҳои синамои Русия баргузор шуда истодааст.

Ба иттилои радиои Фарҳанг, дар доираи Рӯзҳои синамои Русия филмҳои "Мазҳакаи маданӣ", "Ман қадам мегузорам" ва "Савора" пешниҳоди тамошобинони тоҷик мегардад.

Дар Тоҷикистон Рӯзҳои синамои Русия баргузор шуда истодааст.

Намоиш то 18 октябр идома меёбад. Дар доираи намоиш филмҳои «Комедияи маданӣ», «Савор», «Ман қадам мегузорам» намоиш дода мешаванд.

Гуфта мешавад,  Рӯзҳои синамои Русияро ширкати Роскино бо дастгирии Вазорати фарҳанги Русия мегузаронад ва он бахше аз  Ҷашнвораи миллии синамоии «Тоҷи Сомон» аст, ки аз ҷониби Муассисаи давлатии «Тоҷикфилм» баргузор мешавад.

Манбаъ афзудааст, филмҳои русӣ дар кинотеатрҳои «Наврӯз » ва «Кайҳон» ба таври ройгон ба намоиш гузошта мешаванд.

Нахустин ҷашнвораи байналмилалии "Тоҷи Сомон" моҳи октябри соли гузашта дар Душанбе барпо шуда буд, ки  дар он филми "Роҳ" - и коргардони тоҷик Носир Саидов соҳиби шоҳҷоиза гардид.

Бояд гуфт, ки ин ҷашнвора дар доираи «Барномаи рушди кинои Ҷумҳурии Тоҷикистон барои солҳои 2023-2027» баргузор мешавад.

Dialog.TJ